Саўмін Беларусі вызначыў графік пераносу рабочых дзён у 2025 годзе. Пастанову пра гэта падпісаў прэм’ер-міністр Раман Галоўчанка, паведамілі ў прэс-службе ўрада.
У адпаведнасці з графікам прадугледжаны перанос рабочых дзён у 2025 годзе:
- з панядзелка 6 студзеня — на суботу 11 студзеня;
- з панядзелка 28 красавіка — на суботу 26 красавіка;
- з пятніцы 4 ліпеня — на суботу 12 ліпеня;
- з пятніцы 26 снежня — на суботу 20 снежня.
Такім чынам, у найбліжэйшыя навагоднія і калядныя святы беларусы будуць адпачываць 1−2 і 4−7 студзеня. 3 студзеня і 11 студзеня — працоўныя дні.
На Радаўніцу будуць два выходныя — 28 і 29 красавіка, 26 красавіка — працоўны дзень.
На травеньскія святы будзем адпачываць 1 траўня і 9−11 траўня.
На Дзень незалежнасці выходнымі будуць 3−6 ліпеня, 12 ліпеня — працоўны дзень.
Нарэшце, у канцы снежня 2024-га — пачатку студзеня 2025-га будзе па чатыры выходныя, 25−28 снежня і 1−4 студзеня. Адпрацоўваць за 26 снежня давядзецца 20 снежня.
Як нагадвае Нацыянальны прававы інтэрнэт-партал, арганізацыям з улікам спецыфікі вытворчасці (работы) даецца права пераносіць працоўныя дні ў іншым парадку ў адпаведнасці з заканадаўствам.